sam6
المساهمات : 41
تاريخ التسجيل : 05/06/2008
 | موضوع: يوم الامتحان يحل المرء او ينام  السبت يونيو 07, 2008 8:15 pm | |
| بمناسبة فترة امتحنات اخر السنة ....هذه الفترة العظيمة المباركة اللى بينزل عليا فيها النوم بشكل مش طبيعى
بركة بقى تقولوا ايه هذه الفترة تنتهى -فى بعض الاحيان- بالذهاب للامتحان
وهنا مربط الفرس
لانك لما هتروح الامتحان ..
ادامك حل من اتنين
يا هتفتكر الاجابة يا اما مش هتفتكر الاجابة
فى
حالة افتكرت الاجابة هتمسك قلمك ... وتنطلق .. محدثا به ضجة علمية رهيبة
سيقف امامها علماء القرن الحادى والعشرين محتارين مذهولين
فى حالة مافتكرتش الاجابة ..
ادامك حل ماتنين
يا هتقعد تعيط (هيغمى عليكى لو بنت) ....يا هتنام
فى حالة ان دموعك اسعفتك وعيطت (دماغك اسعفتك ودختى) يبقى
ادامك حل من اتنين
يا اما هتصعب على المراقب فيسيبك تتكلم مع اللى جمبك ... وساعتها هيبقى شكلك مش حلو خااااالص
يا اما مش هتصعب عليه وهيناديلك رئيس اللجنة يشوفله صرفة معاك
فى حالة بقى ان دموعك ماسعفتكش وقررت انك تنام ... فادامك حل من اتنين
يا ينزل عليك الالهام وتشوف الاجابة فى الحلم ... وده فى حالة ان الست الوالدة لحقتك بدعوتين وانت ع الباب
يا مش هينزل عليك الالهام وهتشوف حلم تانى تدور احداثه فى شهر 7 .. وورق ابيض فى ابيض متعلق على حيطة بيضااااا
وفى نصه دايرة سودة غريبة مكتوب فى نصها .... ض
مازلت سيادتك لسا نايم ... نايم ...نايم
وهنا هتحصل حاجة من اتنين
يا هتقوم فجأة بعد ما شفت الاجابة فى الحلم وتجرى تكتبها فى اخر 10 دقايق مستخدما خط اشبه ما يكون
"بلوحة فنية تشكيلية لحركة المرور المصرية"
يا اما هتقوم مفزووووع على صوت غريب طالع من حنجرة محشور فيها ضفدع
وبيقولك : الوقت انتهااااااااااا
وفى جميع الحالات ... هتسلم كراستك النضيفة اللى زى الفل وانت تردد
انا لله وانا اليه راجعووون
وربنا يوفقنا جميعا | |
|
Admin
Admin
المساهمات : 124
تاريخ التسجيل : 06/10/2007
| | موضوع: رد: يوم الامتحان يحل المرء او ينام الثلاثاء يونيو 10, 2008 1:34 pm | |
| ان لله وان اليه راجعون
بس على فكره فى درجتين على النظافه كفايه علينا دول | |
|
sam6
المساهمات : 41
تاريخ التسجيل : 05/06/2008
| | موضوع: رد: يوم الامتحان يحل المرء او ينام الخميس يونيو 12, 2008 3:41 pm | |
| ربنا يكرمك
درجتين نظافه ؟؟ ربنا يخليك
مشكور على المرور
حبى احلى بوسه ليك
sam6
| |
|
