اسمع يا سيدى الحكايه
دى حكايه مفهومه من البدايه
ده طالب خلص الثانويه
ودخل اوام الهندسه الالكترونيه
بدات الدراسه راح واخد فى ايده كراسه
ركب قطر المناشى وقعد على كرسى من الكراسى
شاف فى قطر منوف حاجات ولا فى الاحلام
بقت تجيله زى الكابوس فى المنام
شاف واحده ست شايله صنيه
بتبيع فيها ساندوتيشات فول وطعميه
راح قالها والنبى يا حاجه ادينى ساندوتشين طعميه قالتله طيب يا بنى وخد التالت هديه
قالها الحساب كام قالتله 2 جنيه يا عنيه
قالها هما 75 وبس يا حراميه ومش عايز كمان الهديه
غريبه جدا كنت كل ما اروح اركب قطر عشان اروح الكليه بتاعتى فى منوف
ملاقيش
غير قطر المناشى المشكله مش عشان انه قطر مناشى اللى يشاور له يوقف
المشكله انه لا يوجد فيه شباك واحد مقفول كله مفتح زى الورده
المفتحه .فضلت الخمس سنين فى الكليه ادور على قطر يكون فيه شباك مبلاقيش
بحس ان هيئه السكه الحديد بتحب المنايفه قوى .حتى خلت كل القطارات مكيفه
من غير ولا شباك تكييف طبيعى يعنى..المهم القطر ده كانت حكايته حكايه كان
البياعين اكتر من اللى راكبين .كانوا بيلفوا علينا بحاجات غريبه يرموها
علينا ويمشوا وبعدين يرجعوا ياخدوها تانى...مثلا واحد كان بيقول معايه 75
جلده انبوبه بجنيه قرب قرب ولا استغلال المحلات يا حضرات قولت بقى لما
اشترى لنا واحده عشان فى البيت ميشتروش من استغلال المحلات اشتريت وبعد
الجلد لاقيتهم 33 جلده المهم قولت يا ولاد النصابين ....كلهم حراميه وواحد
تانى قال معايا بخور هندى وكانت الصراحه رائحته جميله قولت لما
اشترى ولما روحت الكليه بولع واحده عشان اشم بقى البخور
الهندى لقيت ريحه حاجه بتولع وخلاص ومفيش ريحه خالص
المهم
انا كنت فى اليوم ده جعان جدا لقيت واحده ست شايله صنيه فيها ساندوتيشات
فول وطعميه قولت لما اشترى منها قولتلها والنبى يا حاجه عايزين ساندوتشين
طعميه قالتلى ماشى يا بنى وخد واحد فول كمان اهو هديه وبعدين بسالها
الحساب كام قالتلى 2 جنيه على اساس انى بشترى من ماكدونالز قولتلها اه يا
حراميه انا هاخد بس الاتنين طعميه ومش عايز الهديه وادتها 75 قرش لا
غير...المهم القطر ده كانت حكايته حكايه كان كله مليان ستات بياعين وبقى
كل واحده معاها حاجه اسمها طشت فيه بقى كل خيرات الله جبنه *سمك*فول
طعميه *بيض* خيار* طماطم الخ
المهم خلينا بقى نكمل ذكرياتنا السوده
اول يوم فى الدراسه وبيحصل كده اومال
هعمل ايه فى الكليه ادام البلد دى كلها حراميه
نزل محطه منوغ لقى الناس فيها
مترصصين كل واحد بيشد ويلوف
راح يركب عربيه ملقاش
غير بوكسات يا عينى عليه
هو انا رايح السجن
ولا رايح الكليه
المهم يا جماعه انا نزلت المحطه ولاقيت ناس يامه مترصصين جنب بعض اللى بيشحت واللى شكله حرامى
المهم المحطه دى الوحيده اللى تلاقى عليها خمسين امين شرطه ومخبر اصل الحراميه فيها كتير جدا
المهم اليوم ده كان يوم غريب من اوله
لقيت واحد طخين بيقولى انت اسمك ايه قولتله ليه
قالى اسمك ايه قولتله موش عارف قالى والله
طب تعالى وانا هعرفك اسمك
بيقولى بطاقتك ورايح فين وابن مين
انا استغربت الاسئله دى ليه
المهم مدتهوش اى حاجه
قالى
ماشى ونادى على الظابط وقاله الواد ده معصلج معايه بيقولوا ايه ياعم
مبتديش بطاقتك للمخبر ليه قولتله هو اى حد يقولى بطاقتك ادهاله مش المفروض
يورينى بطاقته عشان اعرف مين هووو قالى طب فين بطاقتك
قولتله
لسه مطلعتهاش مع انها فى جيبى وادتله كارنيه الكليه قالى وكمان مهندس
قولتله اه ايه الغريب فى كده قالى لا ابدا مفيش حاجه تعالى معايه قولت يا
نهار اسود هما بيخدوا المهندسين هنا ولا ايه
روحنا
على قسم المحطه وخد بياناتى ولاقيته بيكتب يخلى سبيله بضمان محل اقامته
قولتله هو انا مشتبه فيااا ولا ايه قالى لا دى اجراءات شكليه وكمان مفيش
شغل فبناخد اى حد وخلاص قولتله بزمتك ده شكل واحد تاخدوه اشتباه قالى
معلش قولتله اوك ومشيت طلعت بره المحطه وقعدت ادور على عربيه لاقيت حاجات
عامله زى البوكسات بتاعت الترحيله بتاعت السجن فبسال واحد هى العربيات
اللى رايحه الكليه فين قالى قدامك اهى قولت يا نهار اسود روحت وركبيت مفيش
غيرها والا هاخدها سيرا على الاقدام للكليه المهم ركبت ولقيت الكرايى
بتتحرك لوحدها والعربيه ملخلخه وحاجات غريبه المهم وصلت للكليه نزلت قدام
مستشفى اسمها مستشفى منوف العام تيجى تبصلها تحس انها مأوى للايتام بجد كل
يوم واحد بيطلع ميت منها متعرفش ليه
المهم يا جماعه هكملك بقيه ذكرياتى فى جزء تانى باذن الله تعالى
كان معكم
مهندس اشرف منصور من امام مقابر منوف
الأحد يونيو 08, 2008 2:40 am
